Ish-ministri i Mbrojtjes, Fatmir Mediu, është paraqitur këtë të premte në Gjykatën e Posaçme (GJKKO), ku u zhvillua seanca e radhës në kuadër të çështjes së Gërdecit.
Mediu akuzohet për shpërdorim detyre dhe shpërdorim detyre në bashkëpunim me zyrtarë të lartë ushtarakë.
Procesi ndaj tij është shtyrë disa herë më parë për shkak të mungesës së të pandehurit, i cili ka deklaruar se ka qenë jashtë vendit për arsye personale dhe politike. Këtë herë, ai u përball me akuzat për përgjegjësi penale në lidhje me tragjedinë e Gërdecit, ku 26 persona humbën jetën në vitin 2008.
Në sallën e gjyqit ishte e pranishme edhe Zamira Durda, e cila humbi djalin në shpërthim. Ajo deklaroi se prej 17 vitesh është në pritje të drejtësisë.
