Gjykata Penale, ka dënuar me 1 vit burg ish-deputetin demokrat, Ervin Salianji, për çështjen “Babale”.
Për Fredi Alizotin organi i drejtësisë ka dhënë 2 vite burg, ndërsa për Albert Veliun 3 vjet e 5 muaj.
Kurse gazetari Jetmir Olldashi është dënuar me 5 muaj burg, që do të konvertohet në 100 orë punë.
Gjykata ndërkohë nuk ka pranuar kërkesën e Salianjit, për konvertimin e dënimit me shërbim prove.
“Babalja” ishte një nga dosjet më të nxehta politike.
Në qendër të akuzave ishte Agron Xhafaj, vëllai i ish-ministrit të Brendshëm, Fatmir Xhafaj.
Ky i fundit dha dorëheqjen pak kohë pas publikimit të video-përgjimit, ndërsa vëllai i tij u kthye në Itali për të vuajtur dënimin.
Pjesë e dosjes u bë dhe Fredi Alizoti, i cili akuzohet se ka imituar zërin e Agron Xhafajt në audiopërgjimin fillestar.
Që në krye të herës, Salianji e ka quajtur politik, procesin gjyqësor ndaj tij.
