Pava rësisht kërkesës së opozitës, mocioni me debat me kryeministrin Edi Rama dhe Interpelanca urgjente e kërkuar nga opozita do të mbahen më 2 mars.
Ndërkohë që kreu i grupit parlamentar të Partisë Socialiste Taulant Balla ka justifikuar këtë vendim. Ai deklaruar jashtë ambienteve të Kuvendit pas përfundimit të seancës së mocioni me debat do të mbahet në 2 mars për shkak të axhendës ndërkombëtare të kryeministrit ndër arsye të tjera.
Gjithashtu Balla shpret se çdo deputet duhet të ketë kohën e duhur për t’u përgatitur pasi sipas tij “Kuvendi nuk është fast-food”, por institucion.
“Së pari kërkesa për zhvillimin e mocionit me debat ka kërkuar vënien në dispozicion të një dite të plotë ku të hiqen të gjitha çështjet që mund të ketë seanca dhe të jetë e dedikuar, e cila po ta llogarisim nëse flet secili nga 10 minuta I bie rreth 24 orë. Në këtë këndvështrim, ne nuk jemi një fast food, por institucion ku duhet të përgatitet çdo deputet për atë që do flasë. Opozita 2 marsin e ka ditë të shënuar mendoj se do ishte data më e mirë. Neni 89 në rast se nuk gjendet dakordësia votohet propozimi i kryetarit të Kuvendit. Në këtë aspekt tashmë nuk ka më asnjë alibi për normalitetin. Koha në dispozicion për tu përgatitur është e mjaftueshme. presim deputetët të jenë prezent edhe pse nuk ka dyshim që nuk është mocioni me debat arsyeja për këtë situatë, por katrani me bojë në krye të PD që nuk lë hapësirë. Gjej rastin si kryetar i grupit të PS të përshëndes aktin e familjarëve të 21 janarit që për vrasjet e të paktën dy prej të vrarëve që cilësohen si vrasje pa autor, iu drejtuan SPAK që ka detyrimin të marrë kompetencën për hetimin e atij krimi shtetëror.
Janë munduar të bëjnë një krahasim me 2006 ku ne kemi kërkuar që votimi të ishte i fshehtë. Kjo ishte arsyeja e debatit dhe protestës së opozitës së asaj kohë. Kërkesat për votimin e fshehtë janë kërkesa që nuk janë më të nevojshme t’i bësh sepse janë sanksionuar në Rregullore. Edhe në atë kohë ka pasur përjashtime si deputeti Petro Koçi dhe të tjerë.
Pyetja që shtron çdo qytetar është a do respektohen sot rregullat kur kërkesat e opozitës kanë marrë rrugë. Ajo për komision hetimor është në Konferencën e Kryetarëve”, shprehet Balla.
