Shoku i autorit të vrasjes së Martin Canit, Kledjon Bejkaj,është vetëdorzuar në polici ditën e sotme.
Ai akuzohet nga babai i të plagosurit, Luis Meçaj, si autor i dytë i ngjarjes tragjike që ndodhi në shkollën “Fan Noli”.
Bejkaj ka treguar në polici versionin e tij të ngjarjes, duke thënë se ka ndërhyrë në sherr për të ndarë palët që po konflikonin.
Vrasja e Martin Canit ndodhi më 18 tetor, kur 14-vjeçari u godit me thikë nga bashkëmoshatari i tij, Mario Përlleshaj, pas një konflikti në shkollë. I plagosur rëndë, Cani humbi jetën më vonë në spital. Përveç viktimës, autori dhe shoku i tij i ngushtë u plagosën gjithashtu. Pas ngjarjes, autori ka postuar foto të tij me thikën e përdorur në krim, si dhe ka shpërndarë imazhe në rrjetet sociale, duke treguar indiferencë ndaj aktit të tij.
Grupi që ka ndihmuar autorin të largohet nga vendngjarja dyshohet të jetë nga zona e Saukut dhe të ketë lidhje me konflikte të tjera.
Hetime vazhdojnë për zbardhjen e plotë të ngjarjes.
