Trajneri i PSG-së, Mauricio Pochettino, foli pas ndeshjes të fituar 4-2 të premten kundër Brest, ku u pyet për dy portierët, Donnaruma dhe Navas. “Vetëm një portier mund të luajë dhe ky është një nga vendimet që duhet të marrim, si shumë të tjerë. Ne do të shkojmë përpara herë pas here duke bërë zgjedhjet tona”, tha trajneri argjentinas.
Por portieri italian, Gigio Donnarumma, i cili e ndoqi ndeshjen nga pankina, shprehet se nuk ka frikë nga konkurrenca me Keylor Navas dhe se është gati për të zbritur në fushë: “Kam ardhur këtu për të luajtur. PSG më kërkoi dhe më donte në ekip. Dhe unë e doja PSG-në. Konkurrenca nuk më tremb, Navas është një portier i madh, por unë jam këtu për të luajtur, konkurrenca është e mirë për të dy, sidomos për mua, kjo na bën të rritemi shumë.
Unë kam ardhur këtu për të luajtur dhe prandaj do të jap gjithçka për të qenë titullar, por është e drejtë që ka konkurrencë, sepse na bën të rritemi shumë. Unë jam gati, shumë gati për të luajtur. Konkurrenca me Navas nuk krijon probleme në dhomat e zhveshjes.
Keylor është një person shumë i mirë, ne i kemi thënë lamtumirë, ne jemi miq, kështu që nuk ka asnjë problem. Unë dua të bëhem numri një në botë dhe me punë dhe vendosmëri shpresoj të kem sukses”, u shpreh Donnaruma.
