Kolegji i Posaçëm i Apelimit (KPA), do të zhvillojë sot seancën e radhës për prokuroren Donika Prela, ish-drejtuesen e Prokurorisë për Krimet e Rënda.
Komisioneri Publik, Florian Ballhysa, ka deklaruar se subjekti nuk justifikon dot një pjesë të kursimeve të saj familjare, e si pasojë kërkon shkarkimin e Donika Prelës.
Nga kontrolli i Komisionerit Publik, rezulton se Prela nuk provon dot burimin e ligjshëm të një kërkese pasurie për blerjen e një apartamenti banimi në Durrës.
Gjitashtu sipas Komisionerit, subjekti nuk provon dot edhe një burim të ligjshmë edhe të një llogarie bankare.
Në seancën e parë me KPA-në, Prela kërkoi përjashtimin e dy anëtareve të trupës, Natasha Mulaj dhe Ina Ramës, sepse sipas saj kishin konflikt interesi, pasi Prela po hetonte disa familjarë të tyre.
Ndërkohë në seancën e sotme, kërkesa e Donika Prelës për përjashtimin e kryesues së trupit gjykues në Kolegjin e Posaçëm të Apelimit, Natasha Mulaj, është pranuar nga kolegji. Ndërsa kërkesa tjetër e Prelës për përjashtimin e anëtares tjetër të trupit gjykues, Ina Rama, është rrëzuar.
Derisa të zgjidhet zëvendësuesi i Mulajt, ajo pritet të vijoj të qëndroj si pjesë e trupit gjykues.
