Për të gjithë ata që duan të vazhdojnë studimet në Amerikë, tashmë ka ardhur një njoftim i rëndësishëm nga Ambasada Amerikane.
Në faqen e saj në Facebook, ambasada bën të ditur se kanë nisur seancat informuese për vitin akademik 2023-2024.
Theksojmë se seanca e ardhshme do të jetë virtuale dhe do të mbahet të martën, me datë 12 prill. Seancat do t’i ndihmojnë studentët për të mësuar më shumë rreth mundësive në Shtetet e Bashkuara të Amerikës.
Njoftimi i Ambasadës amerikane:
Jeni të interesuar të studioni në Shtetet e Bashkuara? Ambasada Amerikane ofron për shqiptarët mundësi akademike (me dhe pa diplomë) përmes programeve tona prestigjioze Fulbright dhe Humphrey. Zyra jonë për Marrëdhëniet me Publikun nisi së fundmi seancat informuese për vitin akademik 2023-24, duke përfshirë seancën e parë informuese në Këndin Amerikan në Tiranë, ku u prezantuan detaje mbi programet Fulbright për Studentë të Huaj, Fulbright për Studiues dhe Hubert H. Humphrey. Seanca informuese të tjera do të ofrohen online dhe personalisht, prandaj sigurohuni që të regjistroheni që sot! Të gjithë të interesuarit për të marrë pjesë në një seancë virtuale, mund të regjistrohen këtu: https://bit.ly/3LQGuBj
Seanca jonë e ardhshme virtuale do të mbahet të martën, më 12 prill. Bashkohuni me ne për të mësuar më shumë rreth këtyre mundësive të jashtëzakonshme për të studiuar në Shtetet e Bashkuara!
