Shkencëtarja 34-vjeçare Natalie Christopher është zhdukur para tre ditësh në ishullin grek të Ikarias. Ditën e sotme policia greke ka njoftuar se është gjetur trupi i pajetë i saj.
Shkencëtarja po qëndronte në një hotel me të dashurin e saj, të cilin e kishte lënë në gjumë për të dalë për vrap në mëngjës. Ajo i kishte lënë edhe një letër të dashurit, ku i kishte shkruar se po dilte për vrapin e mëngjesit dhe se do kthehej për disa minuta.
I shqetësuar për vonesën, i dashuri i Natalie kishte njoftuar policinë, ku menjëherë nisën edhe kërkimet për të.
34-vjeçarja është gjetur e vdekur në një luginë në Ikaria, por motivi i vdekjes ende nuk dihet. Trupi i pajetë i Natalie Christopher është gjetur në fund të një gryke të thellë rreth 20 metra pranë plazhit Kerame.
34-vjeçarja kishte marrë edhe telefonin me vete, por që rezultonte i fikur. Ka qenë pikërisht motra e saj që njoftoi në internet miqtë dhe shokët e saj që të mos e telefononin shumë, në mënyrë që të ruhej bateria e saj.
“Nëse e keni numrin e saj të telefonit, ju lutem mos e telefononi për të ruajtur baterinë në mënyrë që policia të gjejë vendodhjen e saj përmes celularit”, kishte shkruar motra e 34-vjeçares.
Mediat greke shkruajnë se pronari i hotelit kishte parë se çarçafët e saj ishin të gjakosur. Mendohet se shkencëtarja mund të vuante nga ndonjë problem shëndetësor.
