Kryeministri Edi Rama ditën e djeshme dha urdhër për ndërprerjen e lëvizjes së makinave private, që nga ora 6 e nëngjesit të sotëm, deri të dielën në mesnatë.
Ndërsa pjesa më e madhe e qyteteve kanë qenë të boshatisura, ka pasur edhe të pabindur, që kanë dalë në rrugë me makina.
“Balkanweb” raporton se në Durrës, policia ka shoqëruar 5 qytetarë.
Policia e Shtetit bën me dije se për këdo që del në rrugë me makinë do të merren masa ndëshkuese.
Përveç ambulancave dhe makinave të shërbimir, asnjë mjet tjetër nuk duhet të dalë në rrugë, sipas urdhërit të kryeministrit.
Ndërprerja e qarkullimit të makinave është vijimi i masave shtrënguese të qeverisë, për të parandaluar përhapjen e koronavirusit.
Aktualisht në vendin tonë numërohen 23 të infektuar dhe 1 viktimë.
Që prej ditës së hënë, qeveria ka marrë një sërë masash, duke mbyllur shkollat, ambjentet publike, duke anuluar të gjitha tubimet.
Gjithashtu kryeministri ka vijuar me thirrjet për respektimin e rregullave të higjienës dhe minimizimin e daljeve nga shtëpia.
