Dje, pasdite reshjet e çanë më dysh rrugën Sarandë-Borsh dhe e bënë të pakalueshme për mjetet. Rruga është çarë në një segment prej 50 metër.
Ky segment është rikonstruktuar para 9 muajsh, kur drejtori i ARRSH, Ergys Verdho u bënte reklamë mejeteve të kompanisë “Salillari”, që po merrej me riparimin.
Rruga është ndërtuar gjatë viteve 2006 – 2008, ndërkohë që vjet i është bërë riveshje e asfaltit, pasi kishte filluar çarje e asfaltit.
Kontrata
Në Mars 2017, kompania “Salillari” dhe “Elicatechnical” fituan tenderin e zhvilluar nga Autoriteti Rrugor Shqiptar për mirëmbajtjen e rrugëve të rajonit Jugor D, Vlorë-Gjirokastër.
Kontrata u nënshkrua për një afat 5-vjeçar dhe “Salillari” ka marrë mbi 13,7 milionë euro nga huaja e akorduar nga Banka Botërore.
Në këtë kontratë përfshihej, ndër të tjera, edhe mirëmbajtja e rrugës që kalon nga fshati Borsh.
Përgjatë vitit 2020, sidomos në periudhën Shkurt-Maj 2020, Autoriteti Rrugor Shqiptar i drejtuar nga Ergys Verdho, i bënte reklamë kompanisë që po kryente punimet, “Salillari” shpk.
Kjo situatë ngarkon me përgjegjësi kompaninë “Salillari”, si edhe vetë Autoritetit Rrugor Shqiptar, i cili ka kolauduar punimet skandaloze të firmës private.
Informacion mbi RRMSP 
Reagimi
Me anë të një njoftimi në rrjetet sociale Autoriteti Rrugor Shqiptar (ARRSH) ka njoftuar se gjatë natës ka pasur reshje të dendura shiu në të gjithë vendin dhe si pasojë ka pasur rënie gurësh në disa akse rrugore.
ARRSH bën me dije se është punuar gjatë natës dhe se nuk ka asnjë problem me qarkullimin e mjetëve në të gjitha aksset kombëtare.
“Gjatë natës dhe ne orët e para të mëngjesit ka pasur reshje shiu që kanë sjellë edhe rënie gurësh e materialesh në rrugë.
Kompanitë e mirëmbajtjes kanë qenë në terren dhe kanë bërë të mundur pastrimin e rrugës, si në Kalimash-Fushë Arrëz, ku po punohet akoma për pastrimin e rrugës, Elbasan-Peqin, Berat-Çorovodë, Peshkopi-Qafë Drajë km 30.5, Sarandë-Borsh ku janë instaluar neë jersey dhe sinjalistika provizore
Nuk ka probleme me qarkullimin e mjeteve në të gjitha akset kombëtare,” shkruan ARRSH në postimin e saj. Deri më tani, ARRSH nuk ka dhënë asnjë sinjal që merr përsipër përgjegjësinë për situatën në aksin Borsh Sarandë.
https://streamable.com/o7xr94
/Gazetareforma.com/
