Detaje shqetësuse bëhen me dije për variantin Delta në një raport të brendshëm të përpiluar nga Qendrat për Kontrollin dhe Parandalimin e Sëmundjeve në Amerikë. Në dokument thuhet se Delta përhapet shumë më shpejt, ka më shumë të ngjarë të infektojë të vaksinuarit dhe mund të shkaktojë sëmundje më të rënda në të pavaksinuar në krahasim me të gjitha variantet e tjera të njohura.
Dokumenti, një prezantim i dalë gabimisht e i përgatitur nga zyrtarë brenda agjencisë amerikane të mbrojtjes së shëndetit të marrë së pari nga Ëashington Post, paralajmëron se varianti Delta është po aq infektiv sa lija e dhenve, dhe argumenton se zyrtarët qeveritarë duhet të pranojnë se lufta ka ndryshuar duke pasur parasysh sa i rrezikshëm është varianti është.
Duke cituar të dhëna nga një përhapje e mutacionit në një qark në Massachusetts, dokumenti i CDC sugjeroi që infeksionet në njerëzit e vaksinuar mund të prodhojnë ngarkesa virale të ngjashme me ata që janë të pavaksinuar dhe të infektuar me variantin.
Sidoqoftë, shkencëtarët pranojnë se mundësia që njerëzit e vaksinuar të përhapin virusin, nëse infektohen, është shumë më e rrallë në krahasim me njerëzit e pavaksinuar.
Varianti Delta është më i transmetueshëm se viruset e tjerë në familjen koronavirus si Mers dhe Sars, si dhe Ebola dhe lija, thuhej në dokumentin e CDC, duke shtuar se megjithëse vaksinat parandalojnë më shumë se 90% të sëmundjeve të rënda, karakteristikat e rrezikshme të këtij varianti sugjerojnë se ato mund të jenë relativisht më pak efektive në parandalimin e infeksionit ose transmetimit.
