Disa emigrantë janë kthyer mbrapsht nga dogana greke mbrëmjen e sotme pasi u kishte skaduar leja e qëndrimit. Bëhet me dije se emigrantët të cilët janë kthyer mbrapsht i kishin të gjitha dokumentet e rregullta por nuk kishin lejen e qëndrimit.
Edhe pse Greqia ka vendosur vetëm pak kohë më parë për shtyrjen e rinovimit të lejes autoritetet doganore u kanë thënë emigrantëve se nuk e njohin ligjin e miratuar ë parlamentin e Greqisë.
Autoritete në doganë u ka thënë se përderisa me vete nuk kanë një dokument ku thuhet se mund të lejohet kalimi i emigrantëve me leje qëndrimi të skaduar atëherë nuk do të kalojë asnjë.
Ndërkohë disa emigrantë të tjerë janë kthyer për shkak se kanë rezultuar pozitivë me Covid-19.
Greqia ka vendosur të shtyjë deri në datën 31 mars të vitit 2021, afatin e lejeve të qëndrimit që skadonin nga 1 janari deri në 31 korrik 2020 dhe lejet që skadojnë nga 1 gushti 2020 me datë skadimi deri më 31 marsi i 2021-shit do të shtyhen edhe për 8 muaj të tjerë nga dita e skadencës së tyre.
Kujtojmë se gjatë muajve të fundit emigranteët shqiptarë kanë atur disa pengesa nga ana e sporteleve të palës greke për të kaluar në territorin grek. Radhët kanë qenë shpesh herë kilometrike, duke bërë që emigrantët dhe familjet e tyre të torturohen me orë dhe ditë të tëra në radhët e gjata./Gazetareforma.com/
