Ndryshime misterioze drejtorësh dhe pronarësh në kompaninë “Integrated Energy BV SPV” që ka marrë nga Bashkia e Tiranës koncesionin e inceneratorit. Aty ka pasur 6 administratorë që nga fillimi, ku njëri prej tyre është Klodian Zoto, që ka edhe inceneratorin e Fierit.
Nga kërkimi në OpenCorporates.al, del se kompania që ka në pronësi inceneratorin e Tiranës është “Integrated Energy BV SPV”, e themeluar në datë 30.08.2017. Aktualisht ka administratorë Giuseppe Ciaffaglione dhe Arjola Kodra.
Më datë 13 shkurt 2020, kompania që ka në pronësi inceneratorin e Tiranës “Integrated Energy BV SPV” ka ndryshuar emrin dhe e ka bërë “GeoGenix BV”.
Referuar të dhënave në Dhomën e Tregtisë në Holandë, kompania është regjistrua më datë 19-08-2016 dhe po atë ditë si drejtorë janë regjistruar shtetasit Thomas Ëalter Hansmann, Ernesto Granelli, Klodian Zoto, Arnaud Jean-François Guillaume van der Ëerf, Theo Spijkerman dhe Hans Ëerner Ëallage.
Një vit pas më pas, 5 nga 6 drejtorët e mësipërm kanë dhënë dorëheqjen dhe drejtimin e kompanisë “Integrated Energy BV SPV” e ka marrë kompania “Almares Management BV”. Menjëherë sapo drejtimin e kompanisë që ka në pronësi inceneratorin e Tiranës e ka marrë “Almares Management BV”, është larguar Klodian Zoto.
Më datë 20 mars 2018 drejtor i kompanisë “Integrated Energy BV SPV” bëhet Giuseppe Ciaffaglione, i cili një vit më pas më datë 27 nëntor 2019 ka dhënë dorëheqjen. Drejtimin e kompanisë e ka marrë David Hugh Hampson.
Në shkurt të vitit 2020, emri i kompanisë që ka në pronësi inceneratorin e Tiranës bë “GeoGenix BV”.
Për arsye të cilat “Integrated Energy BV SPV” është larguar dhe koncesionari është GeoGenix BV).
Ndryshimi i fundit është bërë më 4 qershor 2020, kur drejtimin e “GeoGenix BV” e ka marrë Georgi Leonidovich Birman. Ky i fundit mund të quhet pronar aktual i inceneratorit të Tiranës.
/GazetaReforma.com/
