Delina Ibrahimaj njoftoi se nga dita e nesërme do të nisë import i vajit të lulediellit nga Maqedonia e Veriut, ndërsa më parë kryesisht importohej nga Ukraina.
Këtë lajm e bëri të ditur në një konferencë të përbashkët me homologun maqedonas, Kreshnik Bekteshi.
Vendimi për ta importuar vajin e lulediellit nga Maqedonia e Veriut vjen pas situatës së rëndë që ka prekur botën si pasojë e luftës në Ukrainë dhe mungesës së produkti.
Gjithashtu ministrja e financës justifkoi rritjen e çmimit të vajit të lulediellit për shkak të mungesës së produktit në tregjet ndërkombëtare.
Imbrahimaj u shpreh se në kuadër të “Open Ballkan” marrëdhënia e dy vendeve në kuadër të tregtisë do vijojë të jetë shumë e mirë.
“Nesër Republika e Maqedonisë së Veriut, do marrë vendim të rëndësishëm që do çelë eksportet e vajit të lulediellit për Shqipërinë që ishte një produkt që siç kemi bërë të ditur është një produkt që importohej nga Ukraina dhe ka pasur mungesë në tregjet ndërkombëtare e arsyeja pse çmimet kanë qenë më të rritura. Dua ta falënderoj ministrin për bisedat konstruktive dhe dua të siguroj që marrëdhënia e dy vendeve në kuadër të tregtisë do vijojë të jetë shumë e mirë e do vijojmë të lehtësojmë gjithë procedurat që kemi marrë përsipër në kuadër të Open Ballkan”.
