Detaje të reja janë zbuluar nga operacioni antidrogë , i zhvilluar nga autoritetet greke në kufirin me Turqinë.
Objektivi ishin dy gomone të ngarkuara me kanabis në Vlorë.
Sipas mediave greke, gomonet po transportonin 2.5 ton kanabis, ku 1.3 ton arriti në Turqi, ndërsa pjesa tjetër u fsheh në një shpellë nga trafikantët.
Kanabisi do të ndërrohej në Turqi me 150 kg heroinë.
Pasi u pikasën nga policia, trafikantët e hodhën lëndën narkotike në det, në thellësinë 300m.
Gjatë ndjekjes nga policia, pati edhe shkëmbime zjarri.
Në gomonen e parë u arrestuan 3 persona, dy shqiptarë dhe një italian.
Ndërkohë në gomonen e dytë u ndalua një trafikant shqiptar, i cili pretendonte se ishte klandestin që kishte ardhur nga Turqia.
