Studentë e fakultetit të Juridikut, Ekonomikut, Histori- Filologjisë u ngujuan këtë të enjte në ambientet e brendshme të godinave. Qëllimi i tyre është që vendimet të mos jenë vetëm të marra nga qeveria, por të votohen në Kuvend.
Një prej studenteve të Juridikut u shpreh për “News24” se, do të qëndorjnë deri të dielën brenda godinave të fakulteteve nëse do të jetë e nevojshme.
“Jemi mbi 100 veta. Presim dhe ka gjatë gjithë kohës dhe shpesh herë vijnë studentë. Nuk kemi informacion të saktë se si do të vijojë përshkallëzimi deri të dielën. Ne e vendosim brenda ditës, është diçka e momentit. Mund të ketë edhe penalizime, edhe nga pedagogë, apo dhe nga policia. Nuk kemi frikë që do na digjet viti shkollor. S’u dogj as në 97, as në 91, në ditët më të vështira. Mësimi do të shtyhet, e dimë këtë. Ne duam të rimarrim ato leksione dhe të shtyhet leksioni i provimeve”, tha studentja.
Edhe studentët e Ekonomikut kanë bërë të njëjtën gjë dhe aktualisht janë në një mbledhje. Gjithashtu edhe studentët e Gazetarisë po ndjekin të njëjtën strategji si bashkëmoshatarët e tyre, ndërsa zhvilluan një takim me pedagogët në Fakultetin e Filologjikut.
