Ditën e sotme moderatorja e njohur Orinda Huta është fotografuar duke biseduar me drejtoreshën e Teatrit të Operës, Zana Çelën në zonën e Kinostudios dhe kudo në media filloi të përflitej se ekzistonte mundësia që ajo të largohej nga “TV Klan”.
Fillimisht u raportua se takimi në fjalë nuk kishte lidhje me emisionin “Jo vetëm modë” që moderon Orinda Huta në “TV Klan”, por dyshohej se kishte të bënte me ndonjë projekt të Teatrit të Operës.
Së fundmi, disa burime kanë pohuar për “revistawho.com” se “Orinda do të drejtojë festivalin operistik, ‘Marie Kraja’, i cili do të organizohet në datat 18,19 dhe 20 prill në Tiranë.”
Megjithatë vlen të theksohet se nuk ka pasur asnjë konfirmim publik nga dy personazhet e njohura.
Burimi:Iconstyle.al
