Aktori i njohur italian, Gigi Proietti, është ndarë nga jeta ditën e sotme që do të festonte edhe 80-vjetorin e lindjes. Pas një sulmi në zemër, Prioetti ndërroi jetë në një spital në Romë, ku mbahej në kujdes intensiv.
Gigi Proietti ka qenë një personazh poliedrik, sepse përveçse si aktor është njohur si regjisor, muzikant dhe prezantues.
Ai ka pasur një karrierë të gjatë në kinema e teatër, duke përfshirë 42 role në filma, 51 shfaqje teatrale, 37 projekte si regjisor dhe regjistroi 10 albume.
Tre javë më parë ai dha një intervistë të gjatë, ku shpjegoi se ishte i majtë.
“Ata që janë në krahun e majte, mbeten në të majtën, edhe nëse nuk bien kurrë dakord me atë që thonë”,- u shpreh aktori. Proietti e mbajti jetën e tij larg vëmendjes mediatike deri në frymëmarrjen e fundit.
/Burimi: Iconstyle.al/ GazetaReforma.com/
