Ministrja e Transporteve, Belinda Balluku në një njoftim të bërë publik pak ditë më parë njoftonte se më datë 18 prill, do të inaugurohet Aeroporti Ndërkombëtar i Kukësit dhe do të kryhen fluturimet e para. Lidhur me këtë ka pasur reagime të shumta nga politika, por jo vetëm. Së fundmi ka reaguar edhe reperi i njohur Arkimed Lushaj, djali i Sali Lushës truprojës së ish-kryeministrit Sali Berisha. Me anë të një postimi në rrjetet sociale Stresi ka sfiduar hapur qeverinë. Në një video ku shihet brenda një avioni, të cilin pretendon se do ta ulë më 18 prill në Kukës ai shkruan:
“Biletat i keni falas !!! Do ta zbresim me çdo kusht ne Kukës avionin me Datën 18 prill
Londra be ready biletat falas”.
https://www.facebook.com/StresiOfficial/videos/166237838704233/
Ndërkohë që edhe vetë ministrja Belinda Balluku ka publikuar në rrjetet sociale disa foto të aeroportit të Kukësit ku dhe po kryhen punimet e fundit. Pak javë më parë u zhvillua edhe një test/provë për të testuar pistën, por avioni nuk u pa të ulej në tokë dhe pati shumë akuza nga kundërshtarët politik, por jo vetë. Kryeministri Rama kur ndodhej në Kukës për fushatën elektorale të zgjedhjeve të 25 prillit, tha gjithashtu se aeroporti do të bëhej shumë shpejtë gati dhe se “çunat e Londrës të përgatiteshin”, për të ardhur.
