Një grua 48-vjeçare është proceduar penalisht nga Policia e Vlorës për mashtrim ndaj një emigranti shqiptar në Greqi, duke i marrë një shumë të madhe parash me premtimin se do ta pajiste me dokumente greke.
Hetimet u nisën pas denoncimit në një emision investigativ, ku u zbulua se ajo kishte përfituar para nga shtetasi shqiptar, duke e mashtruar për një shërbim që nuk e ofroi kurrë.
Gjatë kontrollit të policisë, u gjetën disa karta anëtarësie të organizatave joqeveritare greke, të cilat janë sekuestruar për verifikim të mëtejshëm.
Për këtë rast, ndaj 48-vjeçares është ngritur procedimi penal për veprën penale “Mashtrimi”. Autoritetet po hetojnë për mundësinë e rasteve të tjera të ngjashme që mund të jenë kryer nga kjo shtetase.
