Mbrëmjen e 14 janarit, 30-vjeçari Kristian Marku u ekzekutua në autostradën Fier-Vlorë, teksa po udhëtonte me makinën e tij.
Hetimet kanë ngritur dyshime të forta për një hakmarrje mes këtyre dy fiseve, duke ndjekur pasojat e një historie të gjatë të konflikteve.
Kristian Marku, në varrimin e xhaxhait të tij, Martin Bardhit, i cili u ekzekutua në një atentat në lokalin e tij në Rrëshen në shtator të vitit 2023, kishte premtuar hakmarrje ndaj atyre që e kishin vrarë.
Pas këtij premtimi, ai vetë u bë viktimë e një atentati të ngjashëm në vitin 2025. Vrasja e tij ka ndodhur në një atentat të organizuar nga 3 persona, të cilët dyshohet se e kanë ndjekur në makinë dhe i kanë zënë pritë në mbikalimin e Novoselës.
Ata kanë qëlluar mbi të më shumë se 13 herë, duke e plagosur me 3 plumba dhe më pas, makina e tij është përplasur me trafikndarësin, duke e ndaluar.
Pas atentatit, autorët kanë djegur makinën e viktimës dhe dyshohet se janë larguar në drejtim të qytetit të Fierit. Mjeti i autorëve kishte targa të vjedhura dhe nuk është gjetur arma e krimit në të.
Policia ka marrë pamjet nga kamerat e sigurisë dhe ka ushtruar kontroll të rreptë në çdo makinë që hynte në Vlorë, si dhe ka bërë kontrolle edhe në fshatrat përreth.
Marku ishte i dyshuar për një tentativë për të ekzekutuar Saimir Reçin në vitin 2023, por nuk u provua përfshirja e tij në atë ngjarje. Saimir Reçi është vetë një figurë kyçe në këtë përplasje, duke qenë nipi i Kastriot Reçit, i cili u ekzekutua me snajper në vitin 2020.
Vrasja e Kristian Markut është një ndër viktimat e fundit të këtij konflikti të dhunshëm, i cili ka përfshirë një seri ngjarjesh që nga vitet 1990, kur u regjistrua vrasja e Ilir Reçit.
