Ditën e sotme, presidenti Ilir Meta ka dalë në një konferencë për mediat, ku ka deklaruar nga Presidenca se në 13 tetor do të mbahen 3 zgjedhje në një ditë.
Këtë gjë e ka bërë të ditur edhe ditë më parë vetë presidenti Meta. Ai ka shtuar se nuk ka frikë nga vota dhe se është i gatshëm të konkurrojë në 13 tetor, pasi kjo datë është e pashmangshme në aspektin ligjor.
Presidenti gjithashtu i ka bërë thirrje kryeministrit Rama të reflektojë pasi zgjedhjet e 30 qershorit nuk ishin të ligjshme.
Gjatë konferencës, Meta tha se nëse palët politike nuk arrijnë dot të zgjidhin krizën, ai do të thërrasë të gjitha mediat botërore dhe do të vendosë një buqetë me lule te varri i ish-kreut të PPSH-së, Ramiz Alisë. Meta tha se edhe Ramiz Alia ka pasur më shumë vullnet për të zgjidhur krizat edhe në kohëra të vështira.
E ndërsa pas 18 tetorit, kur të jepet vendimi i negociatave për Shqipërinë, vendit nuk i duhet më asnjë marrëveshje.
Si kreu i shtetit mbaj përgjegjësi për këtë situatë. I kam kërkuar qeverisë të marrë përgjegjësitë. Në 30 qershor nuk kishin zgjedhje të ligjshme. 13 tetori është i pashmangshëm në aspektin ligjor dhe do të sjellë zgjidhjen e krizës. Të kursejmë shpenzimet, 3 zgjedhje në një ditë. Skam frikë nga vota, konkurroj më 13 tetor.
Gjykata Kushtetuese e vetmja që gjykon presidentin. Jam i vendosur për të mospërshkallëzuar krizën, 13 tetori e vetmja datë që ekziston. Le t’ia kursejmë vendit tonë këtë situatë jonormale. Ka qenë një krizë e fortë dhe e thellë. Hapi i parë është zbatimi i dekretit të shtetit për zgjedhjet 30 qershorit.
Përndryshe do të shkoj të ftoj të gjitha mediat botërore dhe të shkoj te varri i Ramiz Alisë nëse palët politike nuk reflektojnë. Tregoj përgjegjësinë time”, deklaroi Meta pak minuta më parë në konferencë.
