Ambasada Amerikane në Tiranë ka bërë me dije ditën e sotme se Shtetet e Bashkuara të Amerikës i kanë dhuruar policisë së Shtetit pajisje për hetim të cilat kapin vlerën e 100.000 dollarësh të financuara nga Shërbimi i Sigurisë Diplomatike dhe Asistencës për Trajnimin Anti-Terrorizëm.
Në postimin që ka bërë në rrjetet siociale ndër të tjera ambasada shkruan se këto pajisje do të ndihmojnë forcat tona partner ligjzbatuese që të mbrojnë shqiptarët duke luftuar terrorizmin, krimin kibernetikë dhe kërcënime të tjera.
Memorandumet që listoni pajisjet e dhuruara u nënshkruan ditën e djeshme nga shefja e zyrës së Sigurisë Rajonale në Ambasadën e SHBA dhe Drejtori i Përgjithshëm i Policisë së Shtetit.
Postimi i Ambasadës Amerikane në rrjetet sociale
Ambasada e Shteteve të Bashkuara në Tiranë dhuroi dhe dorëzoi dje për Policinë e Shtetit pajisje hetimi prej 100,000 dollarësh të financuara nga Shërbimi i Sigurisë Diplomatike dhe Asistencës për Trajnimin Anti-Terrorizëm. Këto pajisje do të ndihmojnë forcat tona partnere ligjzbatuese të mbrojnë shqiptarët duke luftuar terrorizmin, krimin kibernetik dhe kërcënime të tjera. Shefja e Zyrës së Sigurisë Rajonale në Ambasadën e SHBA në Tiranë, Karen Riley dhe Drejtori i Përgjithshëm i Policisë së Shtetit Ardi Veliu shqyrtuan dhe nënshkruan memorandumet që listonin pajisjet e dhuruara.
