Ish-kryebashkiaku i Kukësit, Safet Gjici, do t’i nënshtrohet një tjetër ekspertize ligjore që do të përcaktojë nëse ai do të mund të vijojë të qëndrojë në qeli ose do të duhet të transferohej për trajtim të mëtejshëme.
Ekspertët mjekoligjore, të cilët bënë betimin para gjykatës, do të vlerësojnë nëse qëndrimi i tij në burg është i rrezikshëm, duke pasur parasysh se Gjici ka disa probleme serioze, si çrregullime të sistemit kardiovaskular, zmadhim të aortës dhe diabet të formës së rënduar.
Vlerësimi përfundimtar i ekspertëve do të bëhet më 23 dhjetor. Aktualisht, Gjici po vuan dënimin për korrupsion pasiv dhe shpërdorim detyre, të cilat e dënuan me 3 vjet burg.
Megjithatë, ai do të duhet të qëndrojë edhe 1 vit e dy muaj në burg për të shlyer plotësisht dënimin. Pavarësisht se ndodhet në një spital privat, pritet që ekspertiza të përcaktojë nëse ai mund të qëndrojë ende aty ose duhet të rikthehet në qeli për të përmbushur dënimin.
