Kryeministri Edi Rama ka thënë nga Puglia se nismat e përbashkëta do t’i çojnë universitetet në vendin tonë në një nivel tjetër. Pas nënshkrimit të një nisme të përbashkët me universitetet e Puglia-s në Itali, Rama tha se sot është folur për një potencial të rëndësishëm të bashkëpunimit më afërt mes universiteteve dhe mundësisë për të pasur më shumë prezencë të universiteteve publike italiane në Shqipëri.
Kryeministri u shpreh se do t’u jepet mundësia studentëve pa u dashur të largohen nga Shqipëria duke konkretizuar disa projekte.
“Një dialog që ka nisur me urimin që mund të finalizojmë brenda një kohe të arsyeshme dhe të hedhim disa hapa të cilat do të mund të na çojnë më tej. Të mund të bëjmë më konkrete këtë marrëdhënie të përkryer me realizimin e nismave të përbashkëta, që do të çonin në një tjetër nivel universitet tona duke shfrytëzuar përvojën tuaj. I jam shumë mirënjohës Michele sepse me të kam folur shpesh për këtë temë e di që nuk është diçka e lehtë. Nuk është një punë e lehtë me italianët dhe puljezët dhe nëse i shtojmë kësaj edhe shqiptarë. Disponibiliteti juaj është diçka e çmuar për mua dhe ne. Falë kryetarit të bashkisë por edhe guvernatorit të cilët na hodhën në tryezë mundësinë dhe dispobiniliteti e rektorëve të këtij rajoni. Ne folën sot për një potencial të rëndësishëm për një bashkëpunim më të afërt mes universiteteve dhe mundësisë për të pasur më shumë prezencë të universiteteve publike italiane tek ne. U japim mundësi studentëve pa u dashur të largohen nga Shqipëria. Do të arrijmë të konkretizojmë disa projekte.”, tha Rama.
