Ditën e sotme në mbledhjen e grupit të Partisë Socialiste, kryeministri Edi Rama i ka ‘kërcënuar’ deputetët socialistë.
Kreu i qeverisë u ka kërkuar deputetëve jenë prezentë në sallë gjatë seancave plenare dhe të votojnë për ligjet. Sipas tij nëse nuk e zbatojnë këtë rregull ata do të ndëshkohen me heqjen e e 1/3 të pagës për çdo mospjesëmarrje në votim.
Vlen të përmendim se përgjatë mbledhjes së grupit parlamnetar të Partisë Socialiste, në fokusin kryesor ka qenë tek presidenti i ri.
Gjithashtu PS nuk pati një qëndrim ndërshkues ndaj deputetit Orlando Rakipi, i ati i të cilit është shpallur “non grata” në SHBA.
Orlando Rakipi, aktualisht deputet i Partisë Socialiste është me “fat”, pasi partia ka vendosur që të mbajë në “gjirin e saj”.
Aqif Rakipi është shpallur ‘non-grata’ nga SHBA pasi akuzohet si person që kërcënon stabilitetin e Shqipërisë përmes korrupsionit, aktivitetit kriminal.
Pavarësisht pretendimeve të ngritura nga SHBA, për socialistët, përgjegjësia është personale, dhe në diskutimin me dyell të mbyllura në mbledhje, ata vendosën që Rakipi të mos përjashtohej.
Mësohet se vendimi është marrë me shumicën e votave të deputetëve socialistë, ndërkohë që një prej atyre që ka kërkuar përjashtimin e Rakipit është kreu i grupit parlamentar, Taulant Balla.
Ai është shprehur se PS nuk mund të mbajë dy standarde në raport me SHBA-të.
