Moderatori i njohur i emisionit “Në shtëpinë tonë”, Florian Agalliu, ditën e sotme ka qenë i ftuar në “Thumb” prej ku deklaroi publikisht se do të largohet së shpejti nga televizioni “Top Channel”, duke rrëfyer në vijim edhe arsyen e tij për veprimin që dëshiron të ndërmarrë.
“Do iki shumë shpejt. Besoj sezonin tjetër s’jam. Ndoshta më është bërë një lloj rutine, e cila unë duhet patjetër ta ndryshoj. Vjen një pikë dhe thua, prapë do xhiroj unë sot?”, pohoi Floriani.
Kjo arsye tingëllon vërtet si diçka tepër e fortë dhe më se e mjaftueshme për të hequr dorë nga një punë e caktuar, megjithatë le të presim çfarë do të ndodhë në vijim.
Rikujtojmë se Floriani është i martuar me Renisa Shabanin dhe të dy janë prindër të një vajze bukuroshe që quhet Mia Flores.
