Para dy javësh vrasja makabë e 8-vjeçarit Mateo në Fier i tronditi të gjithë, ku Klodian Çalamani vrau dhe groposi Mateon pranë shtëpisë së tij.
Sot janë publikuar pamjet e zjarrvënies së shtëpisë së Çalamanit, vendi ku ndodhi dhe krimi makabër dhe u gjet i groposur disa orë pas zhdukjes 8-vjeçari Mateo Vasiu.
Halla e 8-vjeçarit Mateo Vasiu ka folur sot për Neës24 dhe tha se nuk është e vërtetë se ata kanë lidhje me djegjen e shtëpisë së Klodian Çalamanit edhe pse janë përballur me një sërë akuzash.
Pranvera, halla e Mateos dhe se në kamerat e sigurisë shfaqen dy persona që me diçka në dorë, pishtarë apo bidonë shkojnë në banesë dhe i vënë flakën.
“Policia nuk i ka marrë këto pamje. Ne nuk i njohim këta persona është shumë e rëndë që janë ngritur akuza të tilla. Ne kemi qene dhe më parë në atë shtëpi, po të kishim atë qëllim…”, tha halla e Mateos.
Ndërsa lidhur me lidhur me ekspertizën mjeko-ligjore për Mateon, ajo tha se kanë përgatitur një prokurë për avokaten që ta tërheqë, por ata vetë nuk e kanë parë ende.
“Nuk e kemi marrë ekspertizën. Përgatitëm një prokurë për avokaten dhe nesër do e dorëzojmë që ajo të na e tërheqë. Ne nuk kemi asnjë lloj kontakti me policinë. Informacionet që kemi marrë i kemi marrë nga gazetarët, ku flitet dhe për një lloj tjetër abuzimi”, tha halla.
Ndërsa për sa i përket marrëdhënieve që familja Vasiu kishte me Klodian Çalamanin dhe dyshimet për një motiv nga ngjarja e 2005 ku ishte përfshirë dhe xhaxhai i Mateos, ajo tha se Çalamani nuk vinte në shtëpinë e tyre, pavarësisht se e ndihmonin me ushqime, ndërsa theksoi se ngjarja e 16 viteve me parë nuk ka asnjë lidhje me krimin makabër.
“Ne e ndihmonim por Çalamani nuk vinte në shtëpi. Unë nuk e njihja fare. Ngjarja e 2005 nuk ka asnjë lidhje me këtë ngjarje. Njerëzit i janë kthyer historisë, por nuk ka lidhje. Sipas dyqanit të bukës, Mateo nuk ka shkuar për të blerë bukë. Ne nuk kemi gjetur asnjë lloj njolle gjaku në shtëpinë e Çalamanit dhe dyshojmë se ai nuk ka qenë vetëm”, është shprehur halla e 8-vjeçarit
