Një ngjarje e rëndë ka ndodhur ditën e sotme në Berat, ku babai ka plagosur me thikë të birin.
66-vjeçari Ramo Sheroku ka goditur disa herë me thikë djalin e tij 32-vjeç Andrea Sheroku. Ndërkohë që detaje të reja kanë dalur në dritë, nga plagosja barbare që i ati i ka bërë të birit. në orët e para të mëngjesit në Berat.
Familja Sheroku jetonte në katin e tretë të një pallati në lagjen “Dëshmorët e Kombit”.
Pas vdekjes së nënës së 32-vjeçarit, at e bir jetonin vetëm të dy në banesë. Bashkëshortët Sheroku kanë sjellë në jetë dy djem dhe të dy jetonin jashtë vendit. Renis (Andrea) Sheroku ishte kthyer në Shqipëri për festat e fundvitit dhe nuk ishte nisur ende pasi i kishte qëndruar afër nënës së sëmurë, deri në ditën e fundit të jetës së saj.
Në lidhje me ngjarjen e rëndë kanë folur komshinjtë e familjes Sheroku, të cilët kanë konfirmuar se 66-vjeçari Ramo Sheroku ishte një njeri i alkoolizuar, por pas vdekjes së gruas së tij, ai ishte zhytur më tepër në alkool dhe rrinte çdo ditë i dehur. Banorët pohojnë se djali, Renis (Andrea) Sheroku ishte një djalë i urtë dhe i respektueshëm në lagje. Ata kanë mësuar rreth ngjarjes vetëm mëngjesin e sotëm, kjo edhe për faktin se konflikti mes at e bir që kishte filluar në banesë kishte përfunduar në lulishten përballë Varrezave të Dëshmorëve, aty ku edhe ndodhi plagosja, raporton Ballkan Ëeb.
Pas plagosjes, djali iu nënshtrua fillimisht një ndërhyrjeje kirurgjikale në Spitalin e Beratit dhe më pas u transportua drejt Spitalit Ushtarak në Tiranë, ndërkohë që babai i tij Ramo Sheroku është arrestuar.
