Tema e dënimeve për kanabis është rikthyer në vëmendje për shkak të rastit të këngëtares Enca.
Ndërkohë që një intervistë për një studio televizive avokati Idajet Beqiri u shreh se dënimi për kanabis nuk duhet të shkojë më shumë se dy vite burg, por nga ana tjetër gjobat duhet të jenë masive.
Ai theksoi për “EuroNews” se duhet të rregullohet ligji. Ai shtoi se ka raste që një baba i lutej që t’i fuste fëmijën në burg pasi ai përdorte lëndë narkotike.
“Njerëzit po marrin masa drastike dënimi për kanabisin. Nuk duhet të shkojë dënimi më shumë se dy vite burg. Gjoba duhet të jetë masive. Te ne si ai që ka 1 tonë kanabis si ai që ka më pak, dënohet njëlloj. Duhet një rregullim domosdo ligjor. Nuk është dënimi ai që e frenon fenomenin. Unë kam raste, që vinte një baba dhe m’u luste që t’i fusja në burg djalin sepse përdorte kanabis, kjo është e rëndë”, u shpreh ai.
