Ditën e sotme Azem Hajdari, djali i vogël i liderit të lëvizjes studentore të vitit ’90, Azem Hajdari, ka dalë sot në krah të ish-kryeministrit Sali Berisha, në “Foltoren” e tij të fundit. Në fjalën e tij, Azem Hajdari u bëri thirrje shqiptarëve që të shmangin personat që janë në dëm të vendit duke theksuar se ditën e sotme duhet që ta përdorin si inspirim.
“Kjo përrallë që e kam dëgjuar aq shumë herë, kuptoja që ishte reale dhe këta njerëz luftuan ndaj komunizimit. Dua t’ju them se shpresoj që kjo ditë dhe babai im të jetë frymëzim. Unë nuk e mendoja që kjo ditë se do të vinte kjo ditë e njerëzit do të mblidheshin sërish kështu. Shpresoj që kjo ditë të jetë frymëzuese për të gjithë. Nuk mendoja se do të vinte kjo ditë të mblidheshim sot kështu, mendoja se ishte diçka e shkuar, por kur shikon kur kombi jot është në një situatë të keqe në aspektin e ekonomisë, shëndetësisë dhe arsimit, kjo ditë do të vinte. Ishalla shpresoj që kjo ditë të jetë frymëzim për të gjithë dhe t’a kthejmë Shqipërinë në mënyrën më të mirë, në formën më të mirë dhe t’i shmangim të gjithë njerëzit janë në dëmin e këtij vendi,”-tha Hajdari në fjalën e tij.
