Pas kryeministrit Edi Rama edhe presidenti i Republikës Ilir Meta ka uruar shkrimtarin e madh Ismail Kadare me rastin e 83-vjetorit të lindjes.
Kreu i Shtetit nuk i kursen vlerësimet më të larta për Kadarenë, ndërsa në një status në facebook, thekson se kombi shqiptar është me fat që ka një kolos të tillë, një personalitet të papërsëritshëm.
“Sot krenaria e letrave dhe e mendimit shqiptar, Ismail Kadare feston 83-vjetorin e lindjes. Kombi shqiptar është me fat që ka një kolos të tillë krijues të përmasave botërore, një personalitet unikal e të papërsëritshëm dhe sinonim të letërsisë shqipe, që e bëri atë të vyer, të vlerësuar dhe të lexuar në 45 gjuhë të ndryshme.
Shumë urime, shëndet, jetë të gjatë dhe sa më shumë suksese në krijimtarinë e tij të ndritur!”-shkruan Presidenti Meta.
