Aksidenti tragjik i mëngjesit të sotëm në Bullgari ka rezultuar fatal për 45 persona të cilët ndodheshin në autobus.
Ndërkohë që është publikuar lista e pasagjerëve të autobuzit i cili u përplas dhe mori flakë, midis tyre është identifikuar një çift shqiptar, një 27-vjeçar dhe e fejuara e tij. “ Alsat M” raporton se bëhet fjalë për Gazmend Ukali, 27 vjeç, nga Kërçova dhe Albina Beluli, 23 vjeçe nga Tetova,. Ata kishin shkuar në Stamboll për të festuar ditëlindjen, e Gazmnedit, por që kjo rezultoi fatale për të dy.
Ata ishin ishin në mesin e viktimave të aksidentit tragjik që ndodhi mëngjesin e sotëm, kur një autobus u përfshi nga flakët në autostradën Struma të Bullgarisë, duke lënë të vdekur 45 persona. Gazmendi ishte pjesë e zyrës së kryetarit të Komunës së Kërçovës, Fatmir Dehari, ndërsa të premten festoi ditëlindjen e 27-të me të fejuarën e tij në Stamboll.
Informacionin për vdekjen e Gazmendit në një bisedë telefonike për Telma e ka konfirmuar edhe kryetari i Komunës së Kërçovës, Fatmir Dehari, i cili ka shprehur keqardhjen e thellë për këtë tragjedi të madhe. Ukali ishte anëtar i Këshillit Rinor të Komunës së Kërçovës në vitin 2015. Aktualisht vazhdojnë hetimet për zbulimin e shkaqeve të aksidentit dhe shpërthimit në flakë të autobusit. M
