Duket se Italia po kalon ditë të zeza, pasi kurba e COVID-19 po rritet dita-ditës dhe në vetëm 24 orët e fundit ka regjistruar 5,986 raste të reja ndërsa numri i përgjithshëm i të infektuarve shkon në 47,021 persona.
Vetëm brenda 24 orëve të fundit, si pasojë e Covid-19 kanë humbur jetën 627 persona, shifra me e lartë deri tani, duke e çuar numri total të viktimave në 4,032.
Numri i personave që janë shëruar tërësisht është 5,129 pacientë.
Bilanci tragjik bën që Italia të mbajë vendin e parë në botë sa i përket jetëve që ka marrë Coronavirusi, duke lënë pas edhe Kinën, vendi ku lindi virusi, që numëron 3,248 të vdekur.
Shteti fqinj mbetet vendi më i prekur në Europë, teksa situata nuk duket aspak e mirë as në Spanjë e Gjermani që mbajnë përkatësisht vendin dytë dhe të tretë si vendet më të prekura nga pandemia.
Ekspertët kanë paralajmëruar se nëse deri të dielën shifrat nuk ulen, qeveria duhet që të ashpërsojë masat e sigurisë për të frenuar përhapjen e këtij virusi të rrezikshëm, teksa të këtij mendimi janë edhe ekipet kineze të ardhura në ndihmë të popullit italian kanë thënë se Italia duhet të marrë masa më të rrepta për të luftuar Coronavirusin se ndryshe nuk e përballojnë dot.
Kujtojmë se Italia tashmë po përballet edhe me një problem tjetër, që ka të bëjë me uljen e sasive të ilaçeve që ndihmojnë në lehtësimin e pasojave të Coronavirusit.
Përveç numrit të lartë të viktimave, Italia po përballet me një tjetër problem madhor
Numri total i viktimave në rang botëror deri tani është 11, 186 persona dhe janë 265,976 të infektuar në 183 vende, teksa deri tani në vendin tonë kanë humbur jetën 2 persona dhe janë infektuar 70 të tjerë, teksa në Kosovë janë 22 persona të infektuar me COVID-19.
