Portieri i Kombëtares kuqezi por edhe ekipit të Lazios, Thomas Strakosha duket se nuk po kalon momente të mira me italianët. Pasi u infektua me Covid-19 dhe humbi disa ndeshje ajo do të humbasë një tjetër ndeshje të rëndësishme.
Mësohet se për shkak të një dëmtimi në muskulin e këmbës së djathtë gjatë ndeshje me Fiorentinën, ai u lëndua dhe do të humbasë ndeshjen me Parmën. Ky lajm u bë i ditur nga vetë ekipi i Lazios, i cili tha se pritet hetimi dhe trajtimi i mëtejshëm për të përcaktuar diagnozën e saktë.
“Njoftohet se futbollisti Thomas Strakosha në ndeshjen me Fiorentina pësoi një tërheqje në muskulin e këmbës së djathtë. Ai iu nënshtrua menjëherë hetimeve dhe trajtimit të nevojshëm dhe do të monitorohet në ditët në vijim për të hartuar një diagnozë definitive “.
Por duket se gjërat nuk janë kaq të thjeshta, pasi mësohet se dëmtimi muskulor i raportuar nga vetë ekipi i Lazios mund të ketë qenë i stisur. Strakosha ka pasur një mosmarrëveshje me stafin teknik dhe ka kundërshtuar pastër ata. Caicedo ka dalë jashtë listës së merkatos dhe në të është futur Strakosha.
Thomas është ankuar për aktivizimin e vazhdueshëm të Reinas dhe lënien e tij në stol, teksa Tare i kishte thënë se do mundohej ta rikthente sa më shpejt të mundej titullar. Mësohet se para ndeshjes së fundit, kur Strakosha mori vesh se nuk do luante nga minuta e parë, hodhi dorezat në tokë dhe la stërvitjen në mes, duke u larguar direkt në shtëpi.
