Sibeniku vazhdon drejt objektivit mbijetesë falë Emir Sahitit, që ishte vendimtar për ekipin e tij në fitoren 2-0 ndaj Rijekës. Sulmuesi 21-vjeçar shënoi golin e dytë në këtë për skuadrën e tij në kampionatin kroat, këtë herë madje sapo erdhi nga stoli, teksa në të 74-tën, vetëm 3 minuta pasi kishte hyrë në fushë mundi të ndjekë shumë mirë një aksion të nisur nga Ampem, duke dyfishuar shifrat për skuadrën e tij, e duke vendosur vulën në fitoren e 3-të në kampionat për të tijtë.
Kallaku gjithashtu vazhdon të shkëlqejë te Lokomotiva e Zagrebit, teksa dhuroi një tjetër asist në derbin e kryeqytetit përballë Dinamos së Zagrebit, që u mbyll në barazim 1-1, duke shkaktuar ndalesën e dytë për kryesuesit në këto 10 javë të para.
Kallaku shërbeu në minutën e 41-të me shumë zgjuarsi asistin e golit të barazimit të nigerianit Ibraim, me ndeshjen që deri në fund nuk ndryshoi më, duke u dhënë një pikë me vlera bardhebluve ndaj rivalëve të Dinamos.
