Ka nisur dita e gjashtë e protestës tek kryeministria. Qytetarët po protesojnë për rritjen e çmimit të naftës, uji, miellit dhe shumë produkteve të konsumit.
Ndërsa numri i qytetarëve vijon i lartë, njëri prej protestuesve ka thënë se kërkesa ishte që taksat dhe çmimet të shkojnë në të njëjtin nivel që kanë qenë në vitin 2013.
Në rast të kundërt, protestuesi u shpreh se Rama duhet të largohej nga posti i kryeministrit dhe të linte dikë tjetër ta merrte në dorë situatën për zgjidhjen e krizës.
Bordi i Administrimit të Karburanteve vendosi që nafta do të jetë 217 lekë/litër, por sërish protestuesit që mbushën sot për herë të pestë bulevardin, iu bënë thirrje qytetarëve t’iu bashkohen dhe deklaruan se protestat do të vijojnë dhe nesër në orën 17:00.
“Po nuk ranë çmimet, do bjerë qeveria”, “Ju jeni milionera, me vila e makina, s’paguaj më për ju, as unë dhe as familja!”, ishin disa nga thirrjet njëzëri në protestë.
Pedagogu: Rama propagandë me luftën në Ukrainë
Pedagogu Ervin Goci deklaroi se kryeministri Edi Rama po përdor luftën në Ukrainë për propagandë. Ai i bëri thirrje qytetarëve t’i bashkohen protestës me fatura në duar.
“Hedh foto nga Ukraina për të shfrytëzuar në mënyrë banale, për te justifikuar vendimmarrje të qelbura që merr, tallje kolosale e interesave e vullnetit te njerëzve, e pafalshme se emergjenca jonë është të zgjidhen çështjet e çmimeve. Maqedonia hoqi fare TVSH për çmimet. Nafta nuk hyn nga gypi i x5 dhe llambat e iphone, x5 i kane ata ne s’kemi gjë. Nëse e shikon botën nga gypi i X5 bota të duket mirë por kur e sheh nga perspektiva e atyre që u janë kalbur dyert e shtëpisë e s’kanë mundësi të shtyjnë ditën bota duket ndryshe.
Kryeministri po përpiqet të ndërtojë një shoqëri me kasta. Te varfrit i kame unë ne xhep e me 30 mije lek…ju të tjerët çfarë kërkoni ju? Ju jeni mëkatarë se jeni miliarderë, pse kështu ndahet shoqëria? Nafta hyn në çdo qelizë të shoqërisë”, tha pedagogu.
