Shifrat e pandemisë kanë ardhur në ulje në Kosovë ditët e fundit, teksa sot shënohet dita e dytë radhazi pa asnjë viktimë nga virusi. Sipas të dhënave nga Instituti Kombëtar i Shëndetësisë Publike në Kosovë, në 24 orët e fundit janë raportuar 18 raste pozitive. Gjithashtu Kosova ka vijuar me procesin e vaksinimit të qytetarëve, ndërsa në 24 orë janë shpërndarë 2595 doza në të gjithë vendin. Që prej fillimitë të procesit të pandemisë, janë shpërndarë në total 69.686 doza të vaksinës.Ministria e Shëndetësisë ka njoftuar se aktualisht numri i rasteve active është 1822, ndërsa sot janë shëruar nga virusi 239 qytetarë. Ndërkohë, ditën e djeshme në Kosovë u raportuan 19 raste të reja me koronavirus dhe nuk u shënua asnjë viktimë.
Njoftimi i Ministrisë së Shëndetësisë së Kosovës:
02 Qershor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 2.595 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 69.686 doza të vaksinës.
Nga 2.325 testime, 18 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 239 qytetarë, derisa numri i përgjithshëm i të shëruarve është 103.382.
Në total numri i rasteve aktive është 1.822
