Rreth orës 17:00 ka nisur protesta te “Unaza e Re” në kryeqytet, që shënon sot ditën e 61.
Banorët kundërshtojnë prishjen e banesave të tyre siç e parashikon plani për ndërtimin e aksit nga sheshi “Shqiponja” deri te mbikalimi pranë pallatit me shigjeta.
Protestuesit kanë lëshuar thirrje kundër qeverisë dhe kryeministrit Edi Rama, si dhe kanë kërkuar burgosjen e ministrit të Transporteve Damian Gjiknuri.
Për shkak të protestës, u bllokua trafiku. Protesta pritet të përfundojë rreth orës 18.
