Ukraina po përjeton ditën e 19-të tmerrit të luftës, katastrofës dhe tragjedive.
Gjatë natës në kryeqytetin Kiev dhe në rajonin Zhytomyr ka pasur sulem me raketa.
Ndërkohë që dyshohet se Rusia i kërkoi Kinës ndihmë ushtarake për t’iu shmangur sanksioneve. Ambasada e Kinës në Uashington ka thënë se nuk është në dijeni të kësaj kërkese.
SHBA ka paralajmëruar Kinën se do të përballet me pasoja nësë do të ndihmojë Rusinë në qëllimin e saj për të pushtuar Ukrainën.
Një raund i ri bisedimesh midis Rusisë dhe Ukrainës do të mbahet të hënën përmes lidhjes video dhe do të fillojë në orën 10:30 të mëngjesit me orën e Kievit.
Forcat e Armatosura të Ukrainës thonë se kanë goditur katër avionë që i përkisnin forcave ruse në 24 orët e fundit, duke shtuar se kanë nisur “sulme dërrmuese” në bazat ruse në terren.
Nuk do të ketë evakuime civile të hënën nga Sumy, një qytet që ka qenë skena e luftimeve të ashpra për javë të tëra.
Në qytetin e Mariupolit, ata që arritën të arratiseshin i thanë BBC-së se zonat e banuara ishin bombarduar pa pushim ditë e natë. Dhe në qytetin e Rivne, një kullë televizive thuhet se është dëmtuar si rezultat i një sulmi raketor rus.
Mediat ukrainase raportojnë se një kullë televizive pranë Rivne, në perëndim të Kievit, u dëmtua si rezultat i një sulmi me raketa ruse.
