Gratë naftëtare të Ballshit, kanë hyrë sot në ditën e 19-të të grevës së tyre të urisë, pasi kërkojnë të drejtat e tyre në pagat e prapambetura dhe rifillimin e punës.
Mësohet se gjendja e naftëtareve është shumë e rënduar, por edhe pse në një situatë të rënduar shëndetësore, ato janë shprehur se do të qëndrojnë deri sa të marrin pagat pasi nuk kanë zgjidhje tjetër.
Ato kërkojnë që ditën e sotme të mbahet një seancë për problemin e naftëtarëve.
“Jemi gra të lodhura nga hallet dhe puna nder vite dhe sot jemi në rrugë, duam 13 pagat e fituara me drejtësi. Kemi hyrë pa lejen e bashkëshortëve dhe na mbështesin në këtë grevë. Sot është e hënë, mbani një seancë për gratë naftëtarë”, shprehen naftëtaret e revoltuara./GazetaReforma.com/
