Mbledhja e Komisionit të Ligjeve, ku po diskutohej nen për nen projektligji për Kodin Zgjedhor, është bojkotuar nga opozita parlamentare.
Deputetja e grupit demokratik, Rudina Hajdari, braktisi tryezën për shkak të pretendimit se mazhoranca nuk ka vullnet pozitiv për të realizuar një reformë madhe, që të gëzojë edhe mbështetjen e shumicës së shqiptarëve. Hajdari u shpreh se opozita nuk do të bëhet pjesë e kësaj loje të shëmtuar.
Hajdari ftoi gjithashtu edhe kolegët e saj opozitarë që të bojkotonin Komisionin e Ligjeve.
Sipas Hajdarit, tryeza u braktis për shkak se “Vendosëm ta bojkotojmë seancën e sotme sepse nuk shohim vullnet pozitiv nga maxhoranca per te realizuar ate reforme madhore per te cilën gezojmë sot mbeshtetjen e shumicës së shqiptarëve, pra hapjen reale dhe 100% te listave.
“Nëse maxhoranca do te vazhdoje ne kete rruge, duke ardhur me drafte te cilat nuk synojne hapjen e listave por mashtrimin e shqiptareve, ne nuk do te behemi pjese e kesaj loje te shemtuar, le ta bejne vete.
E di që shumë qytetarë ndoshta edhe janë lodhur nga ky debat, dhe ky ndoshta është edhe qëllimi i kastes se vjeter politike, t’i lodhe qytetaret tej mase e me pas te bejne ate qe kane bere gjithnje, te genjejne, por kjo qe po bejme eshte shume e rendesishme jo per sot, por per 30 vitet e ardhshme. Na duhet qe ketij vendi t’i rikthejme demokracine si nje mjet per te rritur mireqenien dhe zhvilluar ekonomine. Ne nuk dorëzohemi”, – ka thënë deputetja Hajdari.
Kujtojmë se më herët deputeti i opozitës së re, Myslim Murrizi ka kërkuar në Komisionin e Ligjeve që të tërhiqet nga shqyrtimi i draftit, të cilin ai e ka propozuar në janar, bashkë me 11 deputetët e tjerë.
