Në shkollën “Avni Rustemi” në Bashkinë e Libohovës, është mbyllur një klasë pasi kanë rezultuar me COVID-19 8 nxënës.
Mbylljen e kësaj klase e ka njoftuar Inspektorati Shtetërorë Shëndetësor në Gjirokastër dhe shkak për këtë është bërë prekja me koronavirus pothuajse gjysma e klasës.
Izolimi i nxënësve të prekur dhe mbyllja e klasës ndërmerret në kushtet e prerjes se zinxhirit te infektimit tek nxënësit e tjerë të klasës. Bëhet me dije se klasa nuk do të zhvillojë mësim për 2 javë te plota. Po ashtu bëhet me dije se janë mbyllur edhe dy zyra tek Kadastra e Gjirokastrës dhe një zyrë tek ADISA pasi janë konstatuar punonjës të prekur me koronavirus.
Sjellim në vëmendje se shifrat e të infektuarve me koronavirus në vendin tonë mbeten të larta. Në shifrat e bëra publike ditën e sotme nga Ministria e Shëndetësisë janë regjistruar 566 raste të treja dhe kanë humbur jetën 6 qytetarë.
Ministria iu bën apel qytetarëve që të zbatojnë me përpikmëri të gjitha masat e vendosura anti-COVID dhe iu ka bërë apel të gjithë personave që janë mbi 18-vjeç që të vaksinohen sa më parë në mënyrë që të parandalojnë përhapjen e varianteve të reja të COVID-19.
Të gjithë personat që janë mbi18-vjeç mund të vaksinohen fare lehtë me kartën e tyre të identiteti në qendrën më të afërt shëndetësore.
