Ndotja e lumenjve është kthyer në një problem shqetësues në të gjithë vendin dhe ndonëse mediat raportojnë çdo ditë raste kompromentuese qeveria dhe autoritetet përkatëse vijojnë të bëjnë rolin e të verbërit.
Pas shkatërrimit të lumit Mat nga firma “Salillari” dhe “Ndue Kola Mountains”, një tjetër lum po shkatërrohet nga një biznesmen.
Bëhet fjalë për Gjergj Lucën, i cili drejton kompaninë “Rozafa” që si duket se nuk po pyet për asnjë shqetësim qytetarësh.
JOQ ALBANIA, ka publikuar një video, ku duket se si kompania “Rozafa” shkarkon mbetjet në lumin Shkumbin.
Denoncimi:
Ja si I derdhin mbeturinat e peshkut ne lumin shkumbin firma rozafa pa e prishur terezine fare dhe ai minstri klosi qe na del ne televizione se dje Ishte dita boterore e mjedisit ja ku I ka faktet dhe administratorja e fahatit labinot fushe luljeta kaculi ja ku I ka faktet mos ti mbaje ato punonjesit kot aty qe rrine ne kafe Po te vi te Shikoje Hallet e fahatit se Po e kthejne labinotin si me Siri
Ata gjithashtu u shprehën se nga ana e Policisë nuk u ka ardhur asnjë mbështetje dhe se çështja është në Prokurori nën hetim.
Banorët u shprehën se fabrika i hedh mbetjet direkt në lumë, dhe siç duket nga pamjet, uji ka marë një ngjyrë të kuqërremtë, teksa nga ky lum Elbasani furnizohet me ujë të pijshëm.
Nëse nuk do të ketë zgjidhje dhe reagim, ne do të përshkallëzojmë protestat dhe do të bllokojmë aksin Elbasan-Librazhd.
Biznesmeni Gjergj Luca njihet për marrëdhënien e mirë me kryeministrin Rama, madje shprehjet e tij i shkruan në muret e biznesit.
Në foto që kanë qarkullluar në rrjet shihet një thënie e Ramës e shkruar në një nga muret e biznesit të tij në Elbasan, por nuk mungon edhe portreti i këtij të fundit.
“Në demokraci forca e arsyes duhet të jetë më e fuqishme se arsyeja e forcës”, është shprehja e Ramës që shkruhet në mur.
Gjergj Luca pushtoi mediat në nëntor të 2019, kur pas tërmetit fatal bëri për ujë të ftohtë politikanët, duke i akuzuar se nuk po ndihmojnë njerëzit, teksa i ftoi të hapnin dyert e shtëpive të tyre për të pastrehët.
Mirëpo, sot Luca paraqet një tjetër anë të tijën që nuk lidhet aspak me humanizmin, madje duke shkelur edhe ligjin.
Si ministri i Turizmit dhe Mjedisit Blendi Klosi, ashtu edhe kryeministri Edi Rama janë angazhuar për ndalimin e masakrave natyrore, por realiteti është krejt i ndryshëm.
