Një 87-vjeçare nga Fieri ka ndërruar jetë pasditen e sotme në spitalin e qytetit pasi vuante nga sëmundje kardiake dhe kishte probleme me frymëmarrjen.
87- vjeçarja ishte bashkëshortja e viktimës së 25-të në Shqipëri nga koronavirus, një 90- vjeçar i cili ndërroi jetë tek Spitali Infektiv më 15 prill pasi veç koronavirusit kishte dhe sëmundje bashkëshoqëruese si diabeti, astma bronkiale dhe hipertensioni.
Edhe e moshuara u prek nga Covid-19, por arriti ta mposhte atë disa ditë më parë, kur pasi doli negative në dy testet e koronavirusit u largua nga Infektivi në Tiranë.
Mësohet se që nga dita që mbërriti në Fier ka qëndruar nën kujdesin e mjekëve duke qenë se kishte probleme shëndetesore të tjera.
Çifti i të moshuarve që rezultoi pozitivë me Covid-19, jetonin në pallatin 10 katesh në lagjen “15 tetori” në Fier.
