Në prangat e policisë së Durrësit ka rënë një 18-vjeçar, pasi akuzohet se ka përhapur panik tek banorët e zonës së Golemit. Shtetasi me inicialet A.G., 18-vjeç ka bërë thirrje që banorët të dalinjashtë banesave të tyre, me pretendimin se do të binte një tërmet 8 ballë.
Sipas informacioneve zyrtare djali mësohet të ketë thënë “Dilni jashtë, tërmet 8 ballë”, mësohet të jetë shprehur i riu përmes një altoparlant, duke ngjallur panik tek banorët.
Mësohet se 18 vjeçari është arrestuar në datën 19 shtator dhe materialet në lidhje me çështjen e tij u referuan në Prokurorinë pranë Gjykatës së Shkallës së Parë Kavajë. “Shtetasin G. A., 18 vjeç, pasi në Golem, u kap në flagrancë duke bërë thirrje me altoparlant “Dilni jashtë, tërmet 8 ballë”, duke ngjallur panik tek banorët.”,thuhet në njoftimin zyrtar të policisë.
Akuza që rëndon mbi të riun është “Përhapja e informatave të rreme që ngjallin panik”.
“Më datë 19.09.2021, u referuan materialet në Prokurorinë pranë Gjykatës së Shkallës së Parë Kavajë, për veprën penale “Përhapja e informatave të rreme që ngjallin panik” për shtetasin G. A., 18 vjeç, pasi në Golem, u kap në flagrancë duke bërë thirrje me altoparlant “Dilni jashtë, tërmet 8 ballë”, duke ngjallur panik tek banorët.”, thuhet në njoftimin e policisë.
