Ndarja e nga jeta e politikanit Bashkim Fino solli trishtim e dhimbje jo vetëm te figura të politikës, por edhe te njerëz në fusha të tjera ku Fino kishte dhënë kontribut. Ndër të është edhe presidenti i FSHF, Armand Duka, i cili ka shprehur ngushëllimet e tij për ndarjen nga jeta të deputetit socialist.Fino ka qenë rival i Dukës në zgjedhjet e fundit për drejtimin e Federatës së Futbollit, ndërsa ky i fundit shkruan se Fino ka qenë një dashamirës i veçantë i futbollit.
“Lamtumirë Bashkim, lamtumirë mik, familjar dhe dashamirës i madh i futbollit!”, shkruan Duka.
Postimi i plotë:
Lamtumirë i dashur Bashkim!
Përtej trishtimit, që sjell çdo humbje, lajmi për largimin nga jeta të politikanit dhe njeriut publik Bashkim Fino, më ka sjellë hidhërim të veçantë. Ai përpos kontributeve të veçanta dhe të vlerësuara në politikë, ka qënë një dashamires i veçantë i futbollit.
Një personazh i veçantë i politikës, që gjithmone nuk ka munguar të jetë i pranishëm në stadium apo për të dhënë kontributin e tij për të mirën e kësaj loje të mrekullueshme.
Në këtë moment të vështirë për familjen dhe miqtë e tij të shumtë, gjej rastin t’i shpreh familjes dhe të afërmve ngushëllimet më të sinqerta për humbjen e njeriut të tyre më të dashur.
Lamtumirë Bashkim, lamtumirë mik, familjar dhe dashamirës i madh i futbollit!
