Pasditen e të dielës një atentat me 3 viktima tronditi Fushë-Krujën, teksa mbetën të vrarë Brilant Martinaj, Diklen Vata, Besmir Hoxha.
Ndërkohë që detaje të reja po zbardhen nga masakra e shumëfishtë.
Familjarët e Diklen Vatës, i mbetur i vrarë më masakrën e Fushë Krujës kanë deklaruar para hetuesve se tre djemtë që ishin në makinë kishin pikasur makinën e autorëve që i ndiqte një makinë nga persona të panjohur, raporton Ballkan Web.
Vata ka marrë në telefon nënën dhe motrën dhe u ka thënë se dikush po i ndiqte. Vata mbeti i vrarë në tentativë për t’u arratisur nga vendi i ngjarjes, ndërsa u vra nga autorët jashtë mjetit. Vata rezulton person i skeduar nga policia dhe me precedentë penalë.
Ai është arrestuar në shtator të 2017 si shpërndarës kokaine. Vata ishte arrestuar nga shërbimet e policisë të Drejtorisë Vendore Tiranë më datë 27.09.2017, pasi gjatë kontrollit fizik të ushtruar ndaj këtij shtetasi në vendin e quajtur zona e shkollës “Bajram Curri”, iu gjet e fshehur në çorape një mbështjellëse me lëndë narkotike e dyshuar e llojit kokainë, si dhe 3 mbështjellëse të tjera të fshehura në çelësat e makinës, Ndërkohë në vijim policia kishte ushtruar kontroll në banesën e shtetasit Diklen Vata, ku gjatë kontrollit të ushtruar i janë gjetur dhe 18 mbështjellëse të tjera me lëndë narkotike e dyshuar e llojit kokainë.
