Një makinë e parkuar në zonën e “Ali Demit” në kryeqytet është djegur.
Sipas një njoftimi nga policia, bëhet me dije se vetura ka marrë flakë në pjesën e motorrit.
Banorët e zonës janë tmerruar nga djegia e mjetit, pasi në këtë orë të ditës ka shumë lëvizje në Tiranë.
Në vendin e ngjarjes kanë mbërritur forcat zjarrfikëse dhe po punojnë për shuarjen e flakëve.
Policia është në vendngjarje dhe po punon për zbardhjen e plotë të ngjarjes.
“Me datë 12.06.2020, rreth orës 15:30, në rrugën Ali Demi, ka marrë flakë në pjesën e motorrit një mjet i parkuar. Sherbimet e zjarrfikses ndodhen në vendngjarje dhe po punojnë për fikjen e zjarrit.
Grupi hetimor dhe Sherbimet e Policisë vijojnë punën për zbardhjen e plotë rrethanave të ngjarjes ku paraprakisht dyshohet se është ngjarje aksidentale”, shkruan Policia.
