Një incident është regjistruar në orën 01:40 të natës në Kaninë të Vlorës, ku një makinë dhe një motor kanë shpërthyer në flakë.
Ngjarja ka ndodhur në një banesë dhe janë njoftuar menjëherë autoritetet përkatëse.
Policia dhe zjarrfikësit kanë mbërritur shpejt në vendngjarje, duke arritur të shuajnë zjarrin, i cili kishte shkrumbuar pothuajse plotësisht mjetet.
Aktualisht, policia ka marrë në pyetje pronarin e banesës dhe ka nisur hetimet për të zbardhur shkakun e zjarrit, pasi ka dyshime se mund të ketë qenë një zjarrvënie e qëllimshme.
